Англија Карло Анчелоти верува дека за младите фудбалери на Челзи од големо значење ќе биде настап на натпреварот од Карлинг Купот против Њукасл.

Челзи денеска на Стемфорд Бриџ игра против Њукасл натпревар од рамките на Карлинг Купот.

Сините уживаат одличен старт во новата сезона, пет победи од пет натпревари во Премиер лигата и триумф во првото коло од Лигата на Шампионите против Жилина.

На денешниот натпревар, Анчелоти ќе одмори дел од првотимците и шанса ќе им даде на младите фудбалери.

"Добро искуство за нив е да играат на ваков вид натпревари" - изјави Анчелоти.

"Тие повеќе се инволвирани оваа сезона споредено со минатата и секогаш кога има можност сакам тие да играат и да го покажат нивниот квалитет".

"Стариџ играше во Лигата на Шампионите, Какута одигра два натпревари, Брума играше во последниот натпревар против Блекпул, и ќе добијат и повеќе шанси за игра".

"Академијата работеше добро во последните години и сега имаме млади фудбалери кои можат да играат во нашиот состав".

Петр Чех, Дидие Дрогба, Ешли Кол, Михаел Есиен, Џон Оби Микел и Лампард нема да бидат дел од вечерашниот натпревар, но Анчелоти вели дека можеби Џон Тери ќе одигра едно полувреме.

"Џон Тери е фит и можеби ќе игра 45 минути што може да му помогне на Брума, но Лампард нема да игра".

Powered by: 24 FUDBAL.com.mk