Италија Тренерот на Милан, Масимилиано Алегри откри дека тој планира да го гради тимот околу големото летно засилување Златан Ибрахимович

Медиумите од Италија велат дека Алегри ги менува своите планови за играта на Милан и стратегот започнува се од почеток откако во последните денови од летниот трансфер период на Сан Сиро пристигнаа Златан Ибрахимович и Робињо.

Според пишувањата на La Gazzetto dello Sport во иднина Росоњерите би можеле да заиграат со тактика 4-4-2 во која Кевин Принц Боатенг и Роналдињо ќе играат по крилните позиции.

Медиумите исто така го цитираат Масимилиано Алегри како вели дека играта ќе ја гради околу Златан Ибрахимович и бара повеќе да му се додава топката на шведскиот интернационалец.

“Треба да се обидеме што често да го пронаоѓаме малку погоре на теренот со вертикални додавања и со топки во неговите нозе.” – рече Алегри.

“Ибра е многу добар во задржувањето на топката и тој може да им овозможи на своите соиграчи да ја финишираат акцијата.”

Powered by: 24 FUDBAL.com.mk