Англија Капитенот на Арсенал, Сеск Фабрегас од две до три недели ќе биде надвор од терените поради повреда на тетивата здобиена на натпреварот против Сандерленд.

Фабрегас постигна необичен погодок на натпреварот против Сандерленд, Антон Фердинанд во обид да ја исфрли топката ја шутна во ногата на фудбалерот на Арсенал, по што таа заврши во мрежата на домаќините.

Сепак овој погодок не беше најсреќен за Фабрегас бидејќи тој заработи повреда на тетивата, Арсенал информира дека Шпанецот ќе паузира од две до три недели.

"ФК Арсенал информира дека Сеск Фабрегас две до три недели ќе биде надвор од теренот".

"Шпанскиот фудбалер од средниот ред донесе рано водство над Сандерленд во саботата но тогаш заработи повреда на тетивата".

"Тој беше заменет пред полувремето. Тежината на повредата беше откриена по скенот направен во понеделникот попладне" - стои во соопштението на Арсенал.

Тоа значи дека Фабрегас нема да биде дел од големиот дерби натпревар против Челзи на 3ти октомври, а ќе ги пропушти и дуелите против Тотенхем, ВБА и Партизан.

Powered by: 24 FUDBAL.com.mk