Англија Менаџерот на Арсенал, Арсен Венгер вели дека сеуште е рано за да се знае колку време ќе паузира капитенот Цеск Фабрегас

Шпанскиот интернационалец по половина час игра на дуелот со Сандерленд мораше да биде заменет поради повреда на тетивата зад коленото.

Венгер сега е во нервозно исчекување на резултатите за точниот тип на повредата со оглед на тоа дека Цеск Фабрегас полека влегуваше во форма а покрај тоа на листата повредени фудбалери веќе се Робин ван Перси, Тео Волкот и Никлас Бендтнер.

Медиумите од Англија шпекулираат дека капитенот на Топџиите би можел да паузира и до еден месец но во интервју за ТВ каналот на Арсенал, Арсен Венгер рече дека е прерано за да се говори за периодот кој Цеск ќе го помине надвор од терените.

“Сеуште не знаеме колку ќе паузира Цеск.” – рече Венгер. “Тешко е да се каже.”

“Тој има повреда на тетивата зад коленото но не можам да кажам колку долго ќе отсуствува.”

“Сите шпекулации ќе бидат погрешни бидејќи сеуште тој не заминал на детални прегледи.”

Powered by: 24 FUDBAL.com.mk