МЕНИ

Шпанија Жозе Мурињо вели дека тоа што е тренер на Реал Мадрид е еднакво на искачување на месечината и додава дека планира да биде во тренерските води до 70 години како и Ферги

Ова е 10та година како ’Специјалниот’ е прв тренер на некој тим и Мурињо верува дека ќе има страст за својата работа и кога ќе наполни 70 години исто како тренерот на Манчестер Јунајтед, Сер Алекс Фергусон.

“Во Бенфика бев краток период, но во мојата меморија тие се голем клуб кој ми дадоа шанса за прв пат да бидам прв тренер на некој клуб.” – рече Мурињо.

“Униао Леириа е мал клуб, но завршивме на четвртото место и беше фантастично.”

“Порто беше извонредна авантура. Освоивме две тројни круни во две години. Во првата година го освоивме домашниот шампионат, Купот на Португалија и УЕФА Купот а следната сезона Португалскиот шампионат, Лигата на Шампионите и Европскиот Супер Куп.”

“Тоа ми овозможи скок од Португалија во Европската елита.”

“Челзи беше страста на мојот живот. Ми се допаѓаше се: натпреварите, играчите, клубот, стадионот...”

“Освојување на Премиер Лигата по 50 години е нешто што ќе го памтам засекогаш.”

“Исто така мислам дека и Интер е неверојатна авантура, клуб како фамилија каде што стигнав до тројната круна: титули во Серија А, Купот на Италија и Лигата на Шампионите.”

“Од престижна гледна точка, тоа што станав тренер на Реал Мадрид е исто како и искачување на месечината.”

“Тоа е најважниот клуб во светот. Тоа значи дека сум стигнал до врвот но сеуште немам ништо освоено. Ќе видиме дали ќе направам историја.”

“Дест години поминаа многу брзо а и следните ќе поминат брзо. Но јас имам иста страст како и кога започнав и мислам дека тоа нема да се промени и во следните 10 години.”

“Мислам дека ќе бидам како Фергусон. Ќе имам 70 години и ќе бидам исто толку страстен за работата како и сега.”