Шпанија Жозе Мурињо вели дека тој е отворен за идејата привремено да го превземе националниот тим на Португалија но додава дека Реал Мадрид го има последниот збор.

Претседателот на Фудбалската Федерација на Португалија вчера беше во Мадрид на разговори со Жозе Мурињо за можноста стратегот да го предводи националниот тим на Португалија на дуелите со Исланд и Данска.

Медиумите од Шпанија и Португалија шпекулираат дека Жозе Мурињо дал позитивен одговор на ваквото прашање но во исто време претседателот на Реал Мадрид, Флорентино Перез не го одобрува сето тоа.

Од Реал Мадрид нема никакво официјално соопштение за можноста Жозе Мурињо привремено да го предводи националниот тим на Португалија па на денешната прес-конференција, медиумите беа желни да дознаат нешто повеќе од самиот Мурињо.

“Фудбалската Федерација на Португалија нема контактирано со Реал Мадрид и клубот го знае само она што јас им го пренесов.” – рече Мурињо.

“Јас му должам многу на Реал и затоа не можам да кажам да но во исто време невозможно е да кажам не на Португалија поради мојата гордост и страст за Португалија.”

“Се зависи од тоа дали Реал Мадрид и ФФП ќе пронајдат заеднички јазик. Доколку сум слободен ќе работам со Португалија.”

“Но доколку ме прашате, во моментов мислам дека Реал Мадрид нема да ме ослободи.”

“Имам четиригодишен договор со Реал и тие имаат секакво право да става пречка за мојата привремена работа со Португалија. Дури и да стават најмала пречка јас нема да можам да одам.”

Мурињо потоа продолжи: “Португалија ме сака за овие два натпревари. Во претходните паузи поради интернационалните натпревари јас не бев во Мадрид поради тренерските конференции.”

“И Мадрид со моето отсуство не загуби ништо.”

Powered by: 24 FUDBAL.com.mk