Италија Марчело Липи и Леонардо се поврзуваат со тренерската позиција во Рома, по информациите за кавгата помеѓу Раниери и Тоти.

Медиумите во Италија не веруваат дека Раниери уште долго време ќе седи на клупата на Рома, овие констатации доаѓаат по караницата која се случи помеѓу тренерот и капитенот Тоти.

Тоти не бил задоволен од катанаџото кое Раниери го применил против Баерн Минхен па избила расправија помеѓу нив двајца по поразот во Лигата на Шампионите.

Рома лошо ја започна сезоната, со реми на Олимпико против Чезена и дебакл на гостувањето кај Каљари.

Договорот на Раниери со Римската Волчица сеуште не е обновен, па медиумите шпекулираат дека тој наскоро ќе добие отказ.

Како најсериозни кандидати за тренерското место во Рома се споменуваат Марчело Липи и Леонардо.

Двајцата тренери во моментов се без ангажман.

Римските медиуми информираат дека на Раниери ќе му бидат дадени четири натпревари за да го врати победничкиот ритам во тимот, доколку не успее тоа да го стори по натпреварите против Болоња, Бреша, Интер и Клуж ќе му биде врачен отказ.

Powered by: 24 FUDBAL.com.mk