Англија Питер Крауч има само пофални зборови за новото засилување на Тотенхем, Рафаел ван дер Варт.

По асистенција на Рафаел ван дер Варт, Питер Крауч го постигна вториот гол за Тотенхем во Бремен против Вердер.

Питер Крауч има пофални зборови за Ван дер Варт и вели дека неговото пристигнување на Вајт Харт Лејн ги покажува амбициите на Тотенхем.

"Рафаел е од друга класа, особено кога игра човек на човек, го наоѓа и најмалиот простор да ја протне топката" - изјави Крауч.

"Тој е фантастичен фудбалер, повеќе е сличен на Лука Модриќ отколку на Вејн Руни кога игра на таа позиција. Знае да ја задржи топката и да креира ситуации од ништо".

"Мислам дека фактот што тој одбра да дојде кај нас, говори за нашите амбиции. Тој дојде од Реал Мадрид, морал да има и други опции но дојде кај нас, одлично е да се има таков фудбалер, тој брзо се прилагодува тука".

"Тоа значи дека сега со Лука имаме два вистински плејмејкери. Тој и Модриќ се посебни фудбалери кои можат да ја разбијат дефанзивата".

"Имаме состав кој може да се натпреварува со секого. Гледам во нашата соблекувална, имаме фантастични фудбалери".

"Нашата клупа за време на натпреварот во Бремен, беше посилна од било кој друг клуб во Европа, мислам дека сме подобри од повеќето клубови во Англија и Европа".

"Имаме многу квалитет, погледнете кои фудбалери ни се повредени, Мајкл Доусон, Џермејн Дефо, Лука Модриќ, Дејвид Бентли, а сеуште имаме фантастичен состав. Не треба од никого да се плашиме" - заврши Крауч.

Powered by: 24 FUDBAL.com.mk