Англија Асистентот на Манчини, Брајан Кид ги демантира гласините во Италија дека Марио Балотели би можел да биде подолго надвор од теренот од првичните прогнози.

Балотели заработи повреда на коленото на деби натпреварот против Тимисоара минатиот месец, по што беше испратен на операција на коленото и предвидувањата беа дека тој ќе се врати најкасно до крајот на октомври.
Во Италија се појавија гласини дека Балотели нема да се врати во игра до крајот на ноември, но Кид ги демантира таквите информации.

"Нема ништо точно во тоа" - изјави Кид.

"Марио имаше операција, тој се врати и почна со рехабилитација. Од каде и да доаѓаат овие гласини, немаат никаква смисла".

Powered by: 24 FUDBAL.com.mk