Италија Претседателот на Интер, Масимо Морати не е загрижен од слабата форма на Диего Милито.

Диего Милито не е ниту бледа сенка од изданијата кои ги имаше во минатата сезона кога беше клучниот играч на Интер за освојување на титулите.
Аргентинскиот напаѓач е надвор од форма, разочара буквално на сите натпревари на кои настапи во новата сезона.

Но претседателот на Интер, Масимо Морати не е загрижен поради тоа.

На прашањето дали е загрижен за формата на Милито која е далеку полоша од онаа во минатата сезона, Морати одговори:

"Не, апсолутно не".

Претседателот на Интер е задоволен од изданието на неговиот тим против Твенте.

"Задоволен сум, бидејќи тоа беше многу тежок натпревар на мал терен против шампионот на Холандија кој во натпреварот против нас влезе како во финале".

"Нашите фудбалери одиграа многу добро. Покажаа карактер и напреднаа во однос на минатите натпревар".

"Слушнав некои критики за дефанзивата, но мислам дека тие одиграа добро, ако се земе во предвид дека двата гола на Твенте од прекини, од кои едниот по несреќна реакција на нашиот фудбалер".

Powered by: 24 FUDBAL.com.mk