Лига на Шампиони Тренерот на Баерн Минхен, Луис ван Гал вели дека Барселона е апсолутен фаворит во трката за титулата во Лигата на Шампионите

Вицешампионот од минатата сезона утре против Рома на Алианц Арената ќе го има својот прв натпревар во новата сезона од најелитното Европско натпреварување.
Иако голем број клубови претендираат да стигнат до трофејот од Лигата на Шампионите за Луис ван Гала има само еден фаворит – шампионот од пред две сезони, Барселона.

“Има само еден фаворит и тоа е Барселона.” – рече тренерот на Баерн Минхен. “Под нив се Челзи, и никој друг не е блиску до овие две екипи.”

Дефанзивецот Филп Лам исто така признава дека други клубови се фаворити за триумф во Лигата на Шампионите но тие ќе се обидат да бидат подобри во споредба со минатата сезона.

“Други тимови се помеѓу фаворитите, но ние имаме многу амбиции оваа сезона и треба да покажеме дека сме се подобриле во споредба со минатата сезона.”

Powered by: 24 FUDBAL.com.mk