Шпанија Агентот на Карим Бензема ги негира гласините кои го поврзуваат неговиот клиент со заминување од Реал Мадрид.

Бензема имаше тешка прва сезона во Реал Мадрид не успевајќи да се наметне со своите игри.
Тоа го забележа и Жозе Мурињо кој јавно го искритикува Бензема, Французинот треба напорно да работи за да биде стандарден првотимец.

Се појавија гласини за негово заминување во летниот преоден рок, а како можни опции се споменуваа имињата на клубовите од Манчестер, Јунајтед и Сити.

Сепак, неговиот агент демантира заминување на Карим Бензема од Сантијаго Бернабеу.

"Иднината на Карим Бензема ќе биде во Реал Мадрид" - изјави Карим Џазири за calciomercato.com.

"Дали Јувентус, Манчестер Јунајтед и Ливерпул се блиску до договор? Категорично ги демантирам таквите гласини".

"Тој е фудбалер на Реал Мадрид и ќе остане фудбалер на Реал Мадрид".

Powered by: 24 FUDBAL.com.mk