Англија Новиот напаѓач на Сандерленд, Асамоа Гиан е презадоволен од своето деби во кое постигна гол.

Пред самиот крај на преодниот рок, Гиан од Рен се пресели во Сандерленд за сума од 13 милиони фунти.

Во саботата дебитираше против Виган, влезе од клупата во второто полувреме и постигна гол за Сандерленд во натпреварот кој заврши 1-1.

Гиан е презадоволен од деби погодокот за кој заслуги му припишува и на асистентот Џордан Хендерсон.

"Мислам дека мојот гол беше навистина убав, перфектен" - вели Гиан.

"Голот беше многу, многу добар, а уште подобро е тоа што го постигнав на моето деби".

"Џордан одигра одлично, помина еден играч и одлично ми асистираше".

"Тоа беше еден од моите најдобри голови, мислам - не постигнувам вакви голови секогаш".

Powered by: 24 FUDBAL.com.mk