Италија Тренерот на Јувентус, Џиџи Дел Нери се откажа од трката за Скудетото, вели дека други ќе се борат за трофејот во Серија А.

Јувентус синоќа одигра 3-3 на свој терен против Сампдорија, тоа беше и првиот бод за Старата Дама во новата сезона.

Дел Нери чувствува подобрување во однос на првото коло, но не мисли дека тие се способни да се борат за титулата во Серија А.

"Јувентус во борба за титулата? Не, други ќе се борат за Скудетото, ние сме само нормална екипа" - изјави Дел Нери.

"Очекувавме тешкотии во натпреварот против Сампдорија. Имавме тешкотии и во првиот натпревар против Бари, сега бевме нешто подобри".

"Потребно ни е време. Ги пребродивме проблемите кои ги имавме во Бари, но сега мораме да ги пребродиме и дефанзивните проблеми кои ги имавме против Сампдорија".

Powered by: 24 FUDBAL.com.mk