Англија Напаѓачот на Тотенхем, Џермејн Дефо го оперираше зглобот, на теренот ќе се врати дури по три месеци.

Англискиот интернационалец заработи повреда на натпреварот против Швајцарија кој Гордиот Албион го доби со 3-1.

Првичните прогнози беа дека тој ќе паузира околу шест недели, но по операцијата на зглобот информациите се дека ќе отсуствува цели три месеци.

Тоа значи дека Дефо ќе ја пропушти целата групна фаза од Лигата на Шампионите, како и повеќе натпревари од Премиер лигата.

"По прегледот кај специјалист, Џермејн Дефо отиде под нож, му беше извршена операција на десниот зглоб со цел да се порават скинатите лигаменти" - стои во официјалното соопштение на клубот.

"Напаѓачот заработи повреда на квалификациониот натпревар за Англија против Швајцарија и ќе биде надвор од теренот три месеци".

Powered by: 24 FUDBAL.com.mk