Шпанија Емануел Адебајор вели дека е поласкан од интересот на Реал Мадрид, но останува фокусиран на борбата за место во тимот на Манчестер Сити.

Напаѓачот од Того се поврзуваше со трансфер во Реал Мадрид ова лето, но тоа не се случи, тој остана во Манчестер Сити каде што барем на стартот од сезоната не е во плановите за стартниот тим на Манчини.
Адебајор изјави дека ќе ги разгледа опциите за својата иднина доколку не биде стандарден во сегашниот тим, но преодниот рок помина без негов трансфер.

Напаѓачот не крие дека е поласкан од интересот на Реал Мадрид.

"Слушнав за гласините, но релаксиран сум и се борам на тренинзите со цел да се вратам во првиот тим" - вели Адебајор.

"До наредниот преоден рок не се знае што ќе се случи, Реал и Мурињо се големи работи во фудбалот па задоволство е кога ве поврзуваат со нив, но јас сакам да постигнувам голови за Сити, па да видиме што ќе се случи".

"Јас сум голем играч па сакам да играм во првиот тим како и секој друг, не само да зимам плата".

Powered by: 24 FUDBAL.com.mk