Германија Новото засилување на Шалке, Клас Јан Хунтелар вели дека поради тоа што во Милан имало премногу напаѓачи го напуштил клубот во потрага по поголема минутажа.

Во самиот финиш од преодниот рок, Хунтелар од Милан се пресели во Шалке.

По доаѓањето на Робињо и Ибрахимовиќ, стана јасно дека за Холанѓанецот кој и онака имаше мала минутажа, ќе нема место.

"Веројатно во сабота ќе се вратам во Милан да си ги замам работите и колата која ми е на аеродромот, потоа ќе се подготвувам за натпреварот од Лигата на Шампионите против Лион" - вели Хунтелар.

"Задоволство и чест е да се игра покрај Раул. Ние веќе се познаваме".

"Зависи од тренерот, но јас се надевам дека ќе одиграм многу натпревари за Шалке".

"Со доаѓањето на Ибрахимовиќ, Милам имаше четири напаѓачи, тоа е премногу за да очекувам да играм секоја недела како што сакам".

"Не верувам дека трансферот во Шалке е чекор назад во мојата кариера. Можеме да освоиме големи работи тука" - заврши Хунтелар.

Powered by: 24 FUDBAL.com.mk