Шпанија Новиот дефанзивец на Реал Мадрид, Рикардо Карваљо вели дека Жозе Мурињо е најдобриот тренер во светот.

Реал Мадрид не импресионираше против Мајорка, но Рикардо Карваљо покажа одлична сигурност и беше еден од најдобрите фудбалери на тој натпревар.
Дефанзивецот многу добро го познава Жозе Мурињо, бидејќи со него работеше во Порто, Челзи и сега во Реал Мадрид.

Според Карваљо, новиот тренер на Кралевите е најдобриот во светот.

"Долги години го знам Жозе Мурињо и тоа ми е од голема помош тука бидејќи перфектно го знам начинот на кој работи" - изјави Карваљо за официјалната страна на Реал Мадрид.

"Тој е најдобриот тренер во светот, тренер кој точно знае што треба да направи".

Карваљо ги бодри своите соиграчи да го дадат најдоброто од себе и да забележат победа против Осасуна која ќе им ја зголеми самодовербата.

"Нашата дефанзива играше со голема самодоверба, но штета е што тоа не го капитализиравме со шансите кои ги имавме".

"Тоа беше единствената причина зошто не го добивме дуелот со Мајорка. Нормално, можевме да постигнеме еден или два гола и да го добиевме натпреварот".

"Игравме добро во дефназивата и имавме повеќе шанси во нападот. Ќе дадеме се од себе против Осасуна за да го добиеме тој натпревар и да ја оствариме првата победа оваа сезона".

Powered by: 24 FUDBAL.com.mk