ЕВРО 2012 Македонскиот репрезентативец, Филип Деспотовски е оптимист во пресрет на квалификациониот натпревар против Словачка.

Македонија во петок во Братислава со натпреварот против Словачка, ги започнува квалификациите за ЕП 2012.
Еден од најстандардните во нашата репрезентација во последните натпревари е Филип Деспотовски, во пресрет на натпреварот тој е оптимист и верува дека имаме сили за подвиг.

"Добро е што сите репрезентативци се здрави и во одлична атмосфера го одработивме денешниот тренинг. Што се однесува до мене се чувствувам супер, подготвен иако не сум со доволен број натпревари во украинското првенство" - изјави Деспотовски за страната на ФФМ.

"Не очекува тежок натпревар и свесни сме со каков противник играме, традиционално незгоден кој не има совладано три пати".

"Имаат извонредни фудбалери во Шкртел, Вајс, Витек, Хамшик, но убеден сум дека и ние имаме оружје и квалитет да им се спротиставиме. Мислам дека доколку ја повториме играта како со романците во Австрија кога прекинавме една незгодна традиција, тогаш вестите од Братислава ќе бидат поволни".

Powered by: 24 FUDBAL.com.mk