Френк Лампард се осврна на новиот тренер на Челзи, Гус Хидинк...

...и се надева дека ќе им помогне за успех во Европа.
Откако беа на праг да ја освојат титулата во Лигата на шампиони минатата сезона, Лампард смета дека сега има дополнителна мотивација во тимот.
Тој смета дека сега имаат тренер со одлични статистики, победник со ПСВ во 1988. Откако работеше со Гус Хидинк 9 дена, Лампард смета дека тој има позитивно влијание во тимот.
"Можете да го видите тоа од натпреварот против Астон Вила и среќни сме што имавме долга недела на тренинзи минатата недела"- кажа Лампард.
"Работевме напорно на тренинг сесиите и постигнавме добар резултат против Вила. Сега треба да продолжиме така бидејќи тоа е само почеток"- додаде тој.
Лампард смета дека разликата помеѓу Сколари и Хидинк е што холанѓанецот дојде со идеја за победа и го охрабри тимот.
"Не игравме доволно добро изминативе два до три месеци, но сепак имаме одлични шанси во сите натпреварувања и тоа значи дека вечерашниот натпревар е од неверојатна важност за нас"- продолжува Лампард.
"Оваа година не води нешто повеќе по поразот од минатата во финалето. Тоа ни дава дополнителна мотивација, но дали ќе биде оваа година или не е тешко да се одреди поради големата конкуренција".
"Може да се изгуби натпревар поради некој детал и е потребна само мала среќа. Ние сме решени како и секоја година, но после минатата година сакаме титула"- заврши тој.