Англија Капитенот на Челзи, Џон Тери открива дека се мачи со повреда на тетивата зад коленото уште од Светското Првенство во Јужна Африка

Лекарскиот тим на ’Сините’ му нареди на Џон Тери да паузира во следните десетина дена и дефанзивецот ќе ги пропушти квалификациските натпервар на Англија за ЕВРО 2012 против Бугарија и Швајцарија.

Англискиот интернационалец беше во одлична форма на почетокот од сезоната и го предводеше Челзи до три победи со импресивна гол разлика од 14-0.

Но Тери сега открива дека тој во неколку наврати играл со болки, и додава дека повредата на тетивата зад коленото ја влече уште од Светското Првенство во Јужна Африка.

“Имам мали проблеми уште од Светското Првенство и се надевав дека после мундијалот ќе имам две недели одмор и повредата комплетно ќе помине.” – рече Тери за ТВ каналот на Челзи.

“Но не се случи тоа, кога започнав со напорна работа, болките се вратија.”

“Настапив на последниот натпревар на Англија (против Унгарија) но морав да бидам заменет на полувремето поради повредата.”

“Не говорев јавно за проблемите но се мачев со повредата и сега потребни ми се десет дена одмор за целосно да се опоравам бидејќи повредата може да влијае на мојата сезона.”

Powered by: 24 FUDBAL.com.mk