Италија Јувентус потврди дека го раскинале договорот на Џонатан Зебина, кој сега е пред преселба во Бреша

По шест сезони поминати во Торино, Џонатан Зебина не е повеќе фудбалер на Јувентус откако Старата Дама и играчот спогодбено го раскинаа договорот.

“Фудбалскиот Клуб Јувентус може да соопшти дека спогодбено е раскинат договор со фудбалерот Џонатан Зебина.” – гласеше соопштението на Јувентус.

Сега се очекува Французинот да постигне договор со Бреша со оглед на тоа дека е слободен фудбалер.

Во меѓувреме Старата Дама треба да го комплетира ангажманот на Арманд Траоре од Арсенал, кој во Торино ќе пристигне на едногодишна позајмица а Јувентус ќе има опција да го направи трансферот перманентен следното лето.

Powered by: 24 FUDBAL.com.mk