Италија Бразилскиот интернационалец, Робињо вели дека сака да го освои Скудетото во дресот на Росоњерите

Ѕвездата на Манчестер Сити пред еден час пристигна на аеродромот Малпенса во Милано со приватен авион на компанијата Finivest која е во сопственост на Силвио Берлускони.

Робињо сега треба да ги помине редовните лекарските прегледи но за формализација на трансферот во Милан најпрво ќе треба да почека Марко Бориело да го напушти Сан Сиро.

“Среќен сум , сакав да играм за Милан бидејќи ова е извонреден тим и сега сакм да го освојам Скудетото со дресот на Росоњерите.” – рече Робињо по пристигнувањето во Милано.

“Со Ибра имаме најсилен напад во Европа? Се надевам, имаме шанса да ја оствариме оваа цел.”

“Сега е потребно да чекам и да се надевам дека преговорите ќе бидат успешни.”

“Сеуште не сум зборувал со Пато или пак со Роналдињо.”

Дел од медиумите од Италија велат дека Милан веќе има договор со Сити за едногодишна позајмица на Робињо додека пак дел велат дека Росоњерите допрва треба да ги финализираат деталате со ’Граѓаните’.

Во меѓувреме, Марко Бориело, кој е клучен за преселбата на Робињо во Милан, вели дека ако го напушти Сан Сиро ова лето тоа ќе биде за перманентен трансфер а не позајмица.

“Не заминувам од Милан на позајмица. Доколку заминам тоа ќе биде перманентен трансфер.” – рече Бориело за Sky Italia.

Powered by: 24 FUDBAL.com.mk