Италија Според пишувањата на медиумите од Италија, екипите на Милан и Јувентус постигнале договор за преселба на Марко Бориело во Торино

Италијанскиот интернационалец вчера по натпреварот со Лече призна дека ќе размисли за својата иднина на Сан Сиро со оглед на тоа дека ќе има ограничена минутажа во новата сезона откако Милан го комплетираше трансферот на Златан Ибрахимович.
Медиумите од Италија го посочија Јувентус како можна дестинација на Бориело и се шпекулираше дека преговорите помеѓу двата клуба започнале уште минатата недела кога двата тима се сретнаа на Берлускони Трофејот.

Последните извештаи говорат дека Росоњерите и Бјанконерите сега постигнале договор за трансферот на Марко Бориело.

Corriere dello Sport и Tuttosport велат дека напаѓачот следната сезона ќе ја помина во Торино на едногодишна позајмица а Старата Дама ќе може следното лето да го направи трансферот перманентен.

Сега Бепе Марота преговара со агентот на Марко Бориело со цел да се постигне согласност со фудбалерот за неговите лични услови но не се очекува компликација во целата зделка.

Во меѓувреме се очекува Адриано Галиани да отпатува за Манчестер во обид да го договори трансферот на Робињо.

Се шпекулира дека во Манчестер веќе е Мино Раиола кој соработуваше со Сити и Милан за зделките на Балотели односно Ибра и тој треба да ја има улогата на посредник.

Робињо на Сан Сиро треба да се пресели на едногодишна позајмица. Се верува дека Милан веќе има постигнато согласност со Робињо за годишна плата од 5 милиони евра и се очекува официјалното соопштение за ангажманот на Бразилецот да пристигне заедно со соопштението за трансферот на Бориело.

Powered by: 24 FUDBAL.com.mk