Шпанија Реал Мадрид потврди дека Кристијано Роналдо ќе паузира три недели поради повреда на десниот зглоб

Португалскиот интернационалец се пожали на повреда по финишот на вчерашниот натпревар против Мајорка, на кој тренерот Жозе Мурињо дебитираше на кормилото на Реал Мадрид со реми без погодоци.

Кристијано Роналдо денеска замина во болница на серија тестови и детални испитувања кои го покажаа точниот тип на повредата.

Магнетната резонанса покажа дека Роналдо нема посериозна повреда на зглобот кој во 2009 го повреди играчот и поради кој тогаш паузираше два месеци.

Реал Мадрид на својата официјална веб страна соопшти дека CR7 има контузија и пострауматски оток на десниот зглоб поради што лекарскиот тим предвидува тринеделна пауза.

Поради тоа Роналдо ќе го пропушти стартот на квалификациите со Портгугалија за ЕВРО 2012 односно дуелите со Кипар на 3ти септември и со Норвешка на 7ми септември.

Се очекува Португалцот да го пропушти и следниот дуел на Реал Мадрид против Осасуна, кој се игра на 12ти септември а да паузира и за воведниот натпревар во Лигата на Шампионите против Ајакс на 15ти септември.

Фудбалерот ќе биде во трка со времето да се опорави за дуелот со Реал Сосиедат, кој е на програмата на 19ти септември.

Powered by: 24 FUDBAL.com.mk