Останато Ѕвездата на Брегот на Слоновата Коска, Дидиер Дрогба зема одмор на неопределено време од репрезентацијата.

Дидиер Дрогба го информирал селекторот на Слоновите, Франсоа Захуи дека нема да биде дел од репрезентацијата во наредниот период.

Захуи се сретнал со Дрогба во Лондон каде што напаѓачот на Челзи му ја соопштил одлуката.

"Се сретнав со Дрогба во Лондон. Тој ми кажа дека е уморен и дека сака одмори од репрезентативните обврски во наредниот период" - информира селекторот.

"Дрогба е фудбалер од светска класа кој е многу значаен за Слоновите, но јас ја почитувам неговата одлука".

"Ние ќе го оставиме да ја врати менталната и физичката сила и да се врати еден ден повторно во националниот тим".

Во земјата на Дрогба кружи и поинаква верзија на целиот случај, се пишува дека фудбалерот не е во најдобри односи со фудбалската федерација, па затоа не сака да игра.

Како и да е, Дрогба сигурно го пропушта престојниот натпревар против Руанда во квалификациите за Африканскиот Куп на Нации.

Powered by: 24 FUDBAL.com.mk