Италија Според пишувањата на медиумите од Италија, екипата на Интер размислува за ангажман на Бастиан

Швајнтајгер, Цеск Фабрегас или Диего Форлан по поразот од Атлетико
Нероаѕурите вчера во Монте Карло беа поразени од Атлетико Мадрид во Суперкупот на Европа со што ја пропушија можноста да го повторат успехот на Барселона за шест трофеио во една сезона.
Очигледно беше дека тимот на Рафел Бенитез играше под перформансите прикажани минатата сезона кога Интер стигна до историската тројна круна.

Актуелниот шампион на Италија ова лето не ангажираше ниту еден големо име и покрај тоа што Марио Балотели замина во Манчестер Сити.

Според медиумите од Италија со цел да се продолжи победничкиот од и во новата сезона, Масимо Морати е подготвен да направи еден голем трансфер до крајот на преодниот рок.

Медиумите шпекулираат со имињата на Бастиан Швајнштајгер, Цеск Фабрегас и Диего Форлан но со оглед дека трансфер пазарот завршува во вторник, тешко е за верување дека ќе може да се комплетира зделка за едно вакво големо име иако не треба да се потценува способноста на Нероаѕурите кон финишот на трансфер периодот да го носат совето најголемо засилување.

Вчера по поразот од Атлетико, Рафаел Бенитез беше запрашан дали Интер ќе ангажира некој фудбалер по што стратегот одговори дека тоа е работа на Марко Бранка и Масимо Морати.

“Јас работам на теренот додека пак претседателот Масимо Морати и Марко Бранка се задолжени за трансфер пазарот.” – рече Бенитез.

“Ќе видиме дали нешто може да се направи.”

Powered by: 24 FUDBAL.com.mk