Шпанија Жозе Мурињо вели дека неговата цел е Реал Мадрид да игра убав фудбал и да победува но нема да избрзува со воспоставување на стилот на игра

Реал Мадрид реши да го донесе ’Специјалниот’ ова лето на Сантијаго Бернабеу со цел да стават крај на доминацијата на Барселона во Шпанија.

Кралевите немаа спектакуларен трансфер пазар како минатото лето но во Мадрид пристигнаа шест фудбалери кои можат да бидат големи ѕвезди во иднина.

Жозе Мурињо е задоволен од квалитетот што го има сега на располагање и вели дека неговата цел е Рал Мадрид да игра убав фудбал и да победува.

Сепак стратегот вели дека не очекува Реал за кратко време да изгради свој стил на игра бидејќи тој е само тренер што работи напорно а не чудотворец.

“Мојата намера е да дефинира менталитетот на игра на секој натпревар.” – рече Мурињо во интервју за Marca. “Потребно е играчите да следат специфична патека и јас сакам без брзање да го воспоставувам начиот на кој треба да играме.”

“Сигурен сум дека фудбалерите ќе забележат прогрес во текот на сезоната. Откако сум тренер на Реал Мадрид три месеци можам да кажам дека составот е среќен и играчите знаат што треба да направат.”

Мурињо потоа додаде: “Квалитетот на фудбалерите заедно со нивната мотивација и посветеност ме тера да мислам дека тие ќе играат како прав тим.”

“Целта е да се игра убаво и да се победува. Важно е да се има структура на игра со многу посилно позиционирање.”

“Сигурен сум дека тимот ќе успее во ова но не одеднаш, јас само сум тренер што работи напорно, не можам да правам чуда.”

“Претседателот на Реал Мадрид направи голем напор за да го изгради составот. Тој ми даде се што ми е потребно за да работам правилно.”

“Се надевам дека оваа сезона ќе имаме многу позитивни резултати.”

Powered by: 24 FUDBAL.com.mk