Англија Емануел Адебајор вели дека е подготвен да замине од Манчестер Сити пред крајот на летниот трансфер период доколку нема шанси за настап во Истлендс

Интернационалецот од Того не е дел од стартниот тим на Роберто Манчини оваа сезона и Адебајор вели дека е подговен да замине од Манчестер Сити доколку пристигне понуда до него пред крајот на трансфер периодот на 31 август .

“Доколку сте во некој тим каде што не играте, и има тим што сака да ве ангажира, дефинитивно заминувам бидејќи јас сум фудбалер и сакам да играм.” – рече Адебајор.

“Доколку тука немам шанса да играм тогаш ќе имам многу шанса да играм во некој друг клуб.”

“Доколку Манчестер Сити ве приморува да заминете, тогаш секогаш треба да ја следите вашата судбина.”

Јувентус неодамна се поврзуваше со ангажман на Адебајор а сигурно е дека ’Граѓаните’ нема да сакаат да го продадат напаѓачот на некој ривал од Премиер Лигата.

Адебајор потоа додаде: “Оваа сезона ќе биде долга и многу тешка за мене. Јас сум фудбалер и потребно е да продолжам да го давам максимумот и да не се откажувам.”

“Потребно е да продолжам да се борам за самиот себе и да уживам во мојот фудбал.”

Powered by: 24 FUDBAL.com.mk