Италија Адриано Галијани вели дека Милан работи на перманентен трансфер на Златан Ибрахимович и вели дека нивните шанси за ангажман на напаѓачот се 50%

Завшри состанокот помеѓу Адриано Галијани, Сандро Росел и Мино Раиола на кој се преговараше за трансферот на Златан Ибрахимович.

По овој состанок Барселона му даде дозвола на Милан да преговара со Златан Ибрахимович за личните услови на напаѓачот.

Адриано Галијани соопшти дека тие преговараат со Барселона за перманентен трансфер на напаѓачот а не за позајмица како што шпекулираат медиумите и отфрли дека Марко Бориело и Клас Јан Хунтелар ќе бидат дел од зделката.

Претседателот на Барселона, Санро Росел за медиумите рече: “Доколку Ибра замине, тоа ќе биде перманентен трансфер а не позајмица. Галијани доби зелено светло за да преговара со Раиола за личните услови на Ибра.”

Потпретседателот на Росоњерите, Адриано Галијани изјави: “Барселона и Милан ги разјаснија своите позиции во овој момент и работиме на перманентен трансфер.”

“Нема позајмица. Патот сеуште е долг, би рекол дека најверојатно шансите за комплетирање на трансферот се 50%.”

“Сакам да ставам јасно до знаење дека Марко Бориело не е на продажба и нема договор за Клас Јан Хунтелар.”

Powered by: 24 FUDBAL.com.mk