Англија Арсен Венгер потврди дека Арсенал го комплетирал трансферот на Себастиан Скилачи од Севиља

Севиља уште на почетокот од оваа недела соопшти дека тие постигнале договор со Арсенал за трансферот на Себастиан Скилачи, кој замина за Лондон на лекарски прегледи.

Топџиите беа во потрага на централен одрамбен фудбалер откако од Емирати си заминаа Вилијам Гала, Сол Кембел и Микаел Силвестр а Арсенал го ангажираше само Лорен Кошчиелни.

Затоа минатата недела Арсенал испрати понуда до Севиља за услугите на 30 годишниот Себастиан Скилачи, и по неколку дневни преговори двата клуба пронајдоа договор.

Арсен Венгер на денешната прес-конференција потврди дека ’Топџиите’ го комплетирале трансферот на францускиот интернационалец и ја објасни причината зошто се фокусирале на Скилачи.

“Ни беше потребен централен дефанзивец со квалитет и искуство ако е можно, за права цена – Скилачи го има сето ова.” – рече Венгер.

“Тој е прав дефанзивец и е добар во дуелите еден на еден, добар е во воздушните дуели, а може и да постигнува погодоци при прекините. Мислам дека тој ќе одговара на играта во Англија.”

“Тој ќе тренира со нас утре но нема да биде инволвиран во сабота.”

“Доставив понуда за услугите на Скилачи на денот кога Севиља играше во Лигата на Шампионите, па тој не играше бидејќи го чекаше трансферот.”

Powered by: 24 FUDBAL.com.mk