Италија Фелипе Мело преку својот Твитер индицираше дека Диего ќе замине од Јувентус – “жалам што Диего нема да го гледам повеќе на тренинзите“

Медиумите во последните неколку дена повторно говорат за иднината на Диего и го поврзуваат плејмејкерот со заминување од Торино.
Вчера беше објавено дека Волфзбург го го обновил интересот за бразилскиот интернационал и до Јувентус доставил нова понуда вредна 20 милиони евра.

Се говореше дека Старата Дама е подготвена на зделка со цел да собере пари за ангажман на топ напаѓач – Џампаоло Пацини беше често споменуван – и денеска Диего заедно со Давид Трезеге кој исто така се поврзува со заминување беа изоставени од составот на Јувентус за дуелот во Лига Европа против Штурм.

Дека Диего е на пат за враќање во Бундеслигата сега индиректно потврди и неговиот соиграч Фелипе Мело.

Бразилецот на својот Твитер профил напиша: “Жалам што Диего ќе замине.”

“Тешко ми е што повеќе на тренинзите нема да го гледам мојот брат Диего.”

“Јас ќе продолжам со тренинзите но сум навистина тажен. Ние станавме добри пријатели и сега тој треба да си оди.”

Powered by: 24 FUDBAL.com.mk