Италија Адриано Галијани вели дека тој ќе остане и утре во Барселона со цел да продолжи со преговорите за трансферот на Златан Ибрахимович

Милан вечерва на Камп Ноу ќе ги одмери силите со Каталонците на Хуан Гампер Трофејот но вниманието на јавноста покрај натпреверот е насочено и кон можната преселба на Златан Ибрахимович на Сан Сиро.

Потпретседателот на Росоњерите веќе имаше првична средба со управата на Барселона откако претставниците на двата тима околу 15 часот се сретнаа во еден елитен ресторан во Барселона - на средбата присуствуваа Адриано Галијани, Сандро Росел (претседателот на Барса) како и Андони Зубизарета (теничкиот секретар).

Околу 16:30, Адрино Галијани и претседателот на Барселона, Сандро Росел го напуштија ресторанот и заминаа на нова локација, во моментов непозната за медиумите, каде што ќе ги продолжат преговорите за трансферот на шведскиот интернационалец.

Медиумите од Италија по крајот на средбата со Сандро Росел го цитираат Адриано Галијани како вели: “Преговорите започнаа и јас ќе останам тука и утре за да продолжиме да разговараме.”

“Не сме ниту негативни ниту позитивни, имавме ручек и започнавме да разговараме. Но има уште многу работа.”

“Потребно е да почекаме. Дали разговарав со Ибрахимович? Не, немам разговарано со играчот.”

“Но се надевам дека ќе можам да се вратам во Милано со Ибра.”

Powered by: 24 FUDBAL.com.mk