Италија Жозе Мурињо ја продолжува вербалната војна со Рафа Бенитез, вели дека на Шпанецот ќе му биде лесно во Интер бидејќи таму има создадено победнички тим.

Ништо не е ново ако се каже дека Жозе Мурињо и Рафа Бенитез не се во најдобри односи, често се вклучуваат во вербални битки, така е и деновиве.

Бенитез го наследи Мурињо на клупата на Интер, Португалецот смета дека на новиот тренер на Нероазурите нема да му биде многу тешко, бидејќи веќе има создадено победнички тим, па нема да мора многу да работи за да дојде до успеси.

"Бенитез нема да мора да работи напорно колку што работев јас бидејќи за еден месец тој има шанса да освои три трофеи, италијанскиот Супер Куп, Европскиот Супер Куп и Светскиот Супер Куп. Тоа е рај за него" - вели Мурињо.

"Тренерот кој доаѓа во нов тим обично треба да изгради тим. Додека во случајот со Бенитез не е така, во Интер тој најде се подготвено, клубот и фудбалерите".

Мурињо беше запрашан и што мисли за новото засилување на Манчестер Сити, Марио Балотели.

"Тој има неверојатни квалитети, но мора да му помогнат да созрее" - смета Мурињо.

Powered by: 24 FUDBAL.com.mk