Шпанија Роналдињо им се заблагодара на фановите на Барселона за времето што го поминале заедно во неговите пет години на Камп Ноу, кои биле најдобри во неговата кариера

Бразилскиот интернационалец испрати писмо кое беше објавено на официјалната веб страна на Барселона во пресрет на неговото утрешно враќање на Камп Ноу во рамките на Хоан Гампер трофејот што ќе се одигра помеѓу Барселона и Милан.

Роналдињо во два наврати ја доби наградата на ФИФА за Најдобар Фудбалер во Годината кога беше дел од Барселона.

Плејмејкерот беше клучен дел од тимот на Каталонците што стигна до две титули во Примера Дивизион и две титули во Лигата на Шампионите.

Но во последната година од својот престој, Роналдињо на себе имаше неколку килограми повеќе и ја загуби формата по што беше продаден во Милан.

“Сакам да ја искористам оваа можност за да ви се заблагодарам за сите моменти што ги делевме заедно во петте години што јас ги поминав во дресот на Барселона.” – вели писмото на Роналдињо.

“Со сигурност тие беа најдобрите години од мојот персонален и професионален живот. Јас искрено верувам дека сите заедно уживавме многу во нашето заедничко време.”

За утрешниот натпревар, Роналдињо вели дека тоа ќе биде средба со неговите стари пријатели.

“Не сакам збогувања.”

“Преферирам ова да го гледам како средба со пријателите. Специјално е тоа што се враќам на Камп Ноу.”

“Тоа е еден од моите омилени стадиони. Уживав многу таму и верувам дека се погрижив и фановите на Барселона да уживаат.”

“Голема, искрена прегратка за сите фанови на Барселона и особено за претседателот Сандро Росел.”

Powered by: 24 FUDBAL.com.mk