Шпанија Кун Агуеро вели дека не сака да замине од Атлетико и е отворен за нов договор за кој медиумите од Шпанија шпекулираат дека ќе има откупна клаузула од 90 милиони евра

Аргентинскиот интернационалец важи за голем талент и често се поврзува со заминување од Висенте Калдерон.

Медиумите шпекулираат дека Челзи, Манчестер Сити и Интер го посакуваат Кун Агуеро но Атлетико Мадрид не сака да слушне за продажба на напаѓачот.

Актуелниот освојувач на Лига Европа секогаш велеше дека Агуеро може да замине само доколку некој ја плати откупната клаузула во неговиот договор која е поставена на високи 60 милиони евра.

Во пресрет на стартот на новата сезона и дуелот со освојувачот на Лигата на Шампионите – Интер, Кун Агуеро вели дека не сака да замине од Атлетико и е отворен за обновување на договорот.

“Му кажав на клубот дека сакам да останам тука, па тие со моите агенти ќе преговаат за тоа дали ќе го продолжам договорот или пак не.” – рече Агуеро. “Јас не сакам да се инволвирам во тоа.“

“Но секогаш сум велеле дека сум среќен тука и ќе заминам само доколку на клубот му се потребни пари и потребно е јас да бидам продаден.”

“Но во моментов нив не им се потребни пари и јас сум тука.”

AS шпекулира дека Атлетико сака во новиот договор на Кун да вметне нова откупна клаузула вредна 90 милиони евра.

Powered by: 24 FUDBAL.com.mk