Италија Алберто Аквилани посакува да го освои Скудетото со Јувентус и да се врати во репрезентацијата на Италија.

Откако не успеа да се снајде најдобро во Ливерпул и да се наметне кај новиот менаџер, Рој Хоџсон, Аквилани ќе игра во Јувентус на едногодишна позајмица.

Поранешниот фудбалер на Рома повторно е во Серија А, сега во Јуве со кој сака да го освои Скудетото.

"Среќен сум што сум тука. Јуве е тим кој може да го освои Скудетото. Се надевам дека заедно со Красиќ ќе играме одлично" - вели Аквилани.

"Се вратив во Италија за да обезбедам место во националниот тим повторно".

"Утре ќе се сретнам со Дел Нери. Тој ме увери да дојдам и немав понуда од други клубови".

Аквилани веројатно нема да може да му помогне на Јувентус во Лига Европа бидејќи играше на натпреварот во Скопје против Работнички.

Сепак постои можност тој да игра во ова натпреварување, но предуслов е Трабзонспор да го елиминира Ливерпул.

Powered by: 24 FUDBAL.com.mk