Англија Менаџерот на Тотенхем, Хери Реднап потврди дека Вилијам Гала е пред преселба на Вајт Харт Лејн

Францускиот интернационалец беше ослободен од Арсенал по крајот на минатата сезона и сега тој е на чекор до преселба во лутите ривали на Топџиите од Северен Лондон.
33 годишниот Вилијам Гала попладнево ќе ги помине редовните лекарски прегледи и потоа ќе стави потпис на едногодишен договор.

Реднап се одлучи за ангажман на искусниот дефанзивец со цел да го засили централниот дел од дефанзивата бидејќи Џонатан Вудгејт сеуште се мачи со долгорочнаа повреда на препоните а Ледли Кинг има проблеми со колената.

Менаџерот на Спарс признава дека не размислувал премногу за добивањето на услугите на поранешниот играч на Челзи, и потврди дека Гала е пред комплетирање на трансферот.

“За неговиот ангажман не требаше да се размислува премногу бидејќи тој доаѓа како слободен агент.” – рече Реднап.

Се верува дека Гала за продолжување на договорот со Арсенал побарал околу 80 000 фунти неделна плата, нешто што Арсен Венгер не помислуваше да го одвои и затоа дефанзивецот замине од Емирати.

Реднап сега негира дека барањата на Гала за плата се над разумната граница.

“Тој никогаш не побара голема сума на пари тука.”

“Претседателот постигна согласност со него за едногодишен договор и неговата плата е повеќе од разумна.”

Powered by: 24 FUDBAL.com.mk