МЕНИ

Шпанија Мино Раиола, агентот на Ибрахимович вели дека тие не се во преговори со ниту еден клуб и уште еднаш нагласи дека напаѓачот останува во Барселона

Шведскиот интернационалец се поврзува со заминување од Камп Ноу ова лето и Милан се посочува како можна дестинација на напаѓачот.

Спортскиот директор на Росоњерите, Ариедо Браида вчера изјави дека е зделката за преселба на Ибра на Сан Сиро ’е многу тешка но не и невозможна’ и додаде дека евентуален трансфер на напаѓачот во Милан ’ќе биде одлична зделка’.

Но во интервју за Sky Sport 24 агентот на Ибрахимович вели дека тие не се во преговори со ниту еден клуб.

Мино Риола исто така уште еднаш нагласи дека шведскиот интернационалец планира да остане на Камп Ноу и во иднина.

“Задоволни сме од зборовите на Браида.” – рече Риола. “Но целата ситуација започнува и завршува тука.”

“Доколку Барселона сака да го продаде играчот, Милан сака да го купи и самиот играч го сака овој трансфер тогаш може да се постигне договор.”

“Но проблем е тоа што – ова го повторувам уште од 15ти мај – Златан има уште четири години од договорот со Барселона, сака да остане во Барселона и ќе остане.”

“Знаеме дека многу клубови го сакаат, но тој сака да остане онаму каде што е. Манчини, Мурињо и многу други имаат високо мислење за него но тоа не е ништо.“

“Ние не сме во преговори со никого.”

Раиола потоа проговори и за Марио Балотели, кој би требало да дебитира во дресот на Сити на денешниот натпревар со Тимишоара.

“Честитки до Фудбалската Федерација на Италија за брзината со која се комплетираше трансферот.”

“Првите денови на Марио во Англија? Многу позитивни. Тој има голема желба да започне нов предизвик и како поминува секој ден ние сме се поубедни во правилниот избор.”