Шпанија Месут Озил вели дека со нетрпение чека да ја покаже својата вредност во Реал Мадрид и додава дека работењето со Жозе Мурињо е привилегија

Германскиот интернационалец вчера попладнето го одработи својот прв тренинг со Реал Мадрид откако официјално го комплетираше транасферот на Сантијаго Бернабеу.

Во интервју за Realmadrid.com и Realmadrid TV Озил истакна дека со нетрпение чека да ја покаже неговата права вредност во дресот на Кралевите.

Плејмејкерот исто така истакна дека е привилегија тоа што ќе соработува со Жозе Мурињо и се надева дека Реал ќе има добра сезона во Ла Лига и Лигата на Шампионите.

“Каков беше мојот прв тренинг? Се беше одлично. Се сретнав со целиот тим и тренерот. Среќен сме што сум тука. Ми се чини дека тие многу се забавуваат.”

“Времето исто така е многу убаво, со што тренинзите се попријатни.”

“Што направив во првиот ден како фудбалер на Реал Мадрид? Заминав од аеродромот во Дизелдорф многу рано и пристигнав во Мадрид околу 11. Немав многу време за одмор, но среќен сум што присуствував на мојата прва тренинг сесија.”

“Овој тим и клубот се најдобри. Се што видов до сега е позитивно и тоа ме прави посреќен што решив да дојдам тука. Едноставно имав добро искуство.”

Други клубови од Европа го посакуваа Озил но тој го одбра Реал Мадрид.

Powered by: 24 FUDBAL.com.mk