Лига на Шампиони Вердер Бремен со 3-1 ја победи Сампдорија, Партизан и Андерлехт одиграа нерешено, Севиља загуби на гостувањето кај Брага.

Вердер Бремен ја искористи предноста на домашен терен и со 3-1 славеше во дерби натпреварот против Сампдорија.

Предноста на домаќините ќе беше речиси ненадоместлива, но Италијаните постигнаа гол во последните моменти, погодок за надеж дека сепак може да се стигне до фазата по групи во Лигата на Шампионите.

Вердер Бремен поведе со голот на Фриц во 50та минута од натпреварот.

Лучини за само пет минути успеа да заработи два жолти картони, по што Сампдорија во 66та минута остана со фудбалер помалку.

Фрингс во 67та реализираше од пенал за водство од 2-0, Пизаро во 69та минута го постигна и третиот гол за Вердер.

Сампдорија преку Пацини во 90та минута намали на 3-1, гол кој може да се покаже и клучен во реваншот.

За разлика од Вердер, Партизан не ја искористи предноста на домашниот терен, натпреварот во Белград против Андерлехт заврши без победник 2-2.

По мирното прво полувреме, четири погодоци паднаа во вториот дел од натпреварот.

Во 53та минута Жилет погоди за водство на Андерлехт од 1-0, само пет минути подоцна Клео израмнува на 1-1.

Во 65та минута комплетен пресврт, по центаршут на Илиев, Лечјак си постигнува автогол за водство на Партизан од 2-1.

Но веќе во следната минута, Андерлехт преку Лухаз израмнува на 2-2, резултат кој само им ја зголемува фаворитската улога во пресрет на реваншот.

Севиља минимално со 1-0 е поразена на гостувањето кај Брага.

Матеус во 62та минута беше стрелец на единствениот гол за португалскиот тим.

Победа од 1-0 оствари и Базел над Шериф.

Стокер во 54та минута беше стрелец на единствениот гол за Базел.

Домаќините можеа и поубедливо да слават, но во 90та минута Хугел не реализираше пенал.

Најмногу голови имаше на натпреварот помеѓу Салзбург и Хапоел Тел Авив, гостите победија со 3-2.

Ениама од пенал во 3та минута погоди за водство на Хапоел од 1-0, Покриваќ во 28та израмни на 1-1.

Бен Сахар пред крајот на полувремето го врати водството на Хапоел Тел Авив.

Шестер во 53та зголеми и на 3-1, Валнер во 67та од пенал намали на 3-2 што беше и конечен резултат на натпреварот.

Powered by: 24 FUDBAL.com.mk