Италија Ариедо Браида вели дека зделката за преселба на Златан Ибрахимович во Милан воопшто не е лесна но сепак е возможна

Долго време се шпекулира за тоа дека Златан Ибрахимович ќе ја напушти Барселона ова лето и Манчестер Сити и Милан беа посочувани како негови можно идни дестинации.

Но се верува дека шведскиот интернационалец сака само преселба во Милан доколку замине од Камп Ноу бидејќи Росоњерите можат да му пружат настап во Лигата на Шампионите.

Сепак Милан ја нема финансиската моќ на Манчестер Сити и токму поради тоа Росоњерите се соочуваат со потешкотии околу операцијата за враќање на Ибра во Серија А.

Во интервју за радио станицата од Шпанија RAC1 спортскиот директор на Милан, Ариедо Браида не сакаше да отфрли можен ангажман на Ибрахимович но предупреди дека целата операција е многу тешка.

“Ибрахимович во Милан? Возможен е еден ваков трансфер.” – рече Браида.

“Пристигнувањето на Ибра во Милан е возможно, но тоа не зависи само од нас. Зависи од сите инволвирани страни, од Барселона, од Милан од самиот фудбалер.”

“Зделката воопшто не е едноставно но е можна.”

Доколку Ибра пристигне на Сан Сиро тогаш Милан ќе треба да продаде некои од сегашните напаѓачи.

“Го познавам многу добро, тој е одличен фудбалер и за Милан тоа ќе биде одличен трансфер.”

“Проблем е тоа што ние имаме четири или пет напаѓачи и доколку Ибра пристигне некој ќе мора да замине.”

Запрашан дали Милан е заинтересиран за Касерес, кој минатата сезона беше на позајмица во Јувентус но е во сопственост на Барселона, Браида одговори: “Нема шанси за негов ангажман.”

“Имаме единаесет дефанзивци кои се борат за четири места во тимот.”

Powered by: 24 FUDBAL.com.mk