Англија Рој Хоџсон вели дека Хавиер Маскерано и Кристијан Поулсен можат да играат заедно во Ливерпул.

Ливерпул го купи Кристијан Поулсен од Јувентус по гласните шпекулациите дека Хавиер Маскерано ќе си замине од Енфилд.

Но како што одминува времето, се поголеми се шансите Маскерано да остане во Ливерпул и во оваа сезона да настапува за Црвените.

Менаџорот, Рој Хоџсон е уверен дека Маскерано и Поулсен можат да играат зедно во тимот.

"Не сакам да го пуштам Хавиер да си замине, и во моментов тој не покажува знаци дека сака тоа да го направи" - вели Хоџсон за Daily Express.

"Верувам дека Хавиер Маскерано ќе игра за нас и Кристијан Поулсен ќе игра за нас".

"Можеме да ги имаме и двајцата фудбалери, ова е голем клуб кој игра многу натпревари во текот на годината".

"Кристијан е квалитетен фудбалер и ние сакаме квалитетни фудбалери. Тој е добар додавач и добар поддржувач. Добро ќе се вклопи во начинот на кој сакаме да играме" - изјави Хоџсон.

Powered by: 24 FUDBAL.com.mk