Англија Менаџерот на Манчестер Јунајтед, Сер Алекс Фергусон ги нападна сопствениците на ривалите од Премиер Лигата кои трошат луди пари во последните години
Иако Фергусон не спомна имиња, сите се свесни дека тој најмного говори за Манчестер Сити кој се разфрла со пари не само кога се во прашање високите оштети туку и кога се работи за договорите на играчите.
Ова лето не е ништо поинакво и Сити веќе ангажираше неколку фудбалер како Џером Боатенг, Марио Балотели, Јаја Туре, Давид Силва и Александар Коларов а на пат за Истлендс е и Џејмс Милнер.
“Во последните две или три години видовме многу богати сопственици како стануваат дел од фудбалските клубови и започнуваат со камиказа напори за да ги трошат своите пари.” – рече Фергусон.
“Зачудувачко е какви суми на пари трошат во денешниот фудбал.”
“Ваквиот тип на расфрлање со пари што го гледаме во моментов ќе биде тука уште две или три години, се додека не дојде времето кога тие ќе сватат дека не можете постојано да бележите успех преку трошење на пари.”
Фергусон, кој се поврзуваше со Месут Озил и Сами Кедира играчи кои завршија во Реал Мадрид, во инвестициите во млади фудбалери гледа поголема корист на долг рок.
“Младите фудбалери се развиваат доколку вие се грижите за нив правилно.“ – продолжи Сер Алекс.
“Тие имаат лојалност бидејќи ја ценат едукацијата што им ја давате како тренер. Како се третираат фудбалерите е многу важно.”
“Тешко е да се знае што другите клубови мислат. Ние сме токму таков тип на клуб кој може да го стори тоа.”
Powered by: 24 FUDBAL.com.mk
