Германија Тренерот на Шалке, Феликс Магат вели дека тие не се заинтерсирани за плејмејкерот на Јувентус, Диего

Медиумите шпекулираа дека Шалке планира да му ги помати сметките на Волфзбург, кој неколку недели е во преговори со Јувентус за трансферот на Диего, и да стигне пред својот ривал од Бундеслигата до потписот на плејмејкерот.

Но по вчерашниот дуел на Шалке во Купот на Германија, тренерот Феликс Магат негираше дека тие се заинтересирани за Диего.

“Ние не сме заинтересирани за Диего.” – рече Магат. “Немаме никакви шанси за нешто такво.”

Сепак Магат сеуште не е среќен со својот состав и додаде дека тие ќе настапат на трансфер пазарот.

“Ние веќе следиме неколку фудбалери што имаат повеќе квалитет од играчите кои веќе ги имаме на располагање.”

Се верува дека Ѕвјездан Мисимовиќ од Волфзбург е примарната цел на Магат и ангажманот на интернационалецот БиХ е многу полесен од оној на Диего.

Магат има на располагање околу 20 милиони евра за трошење на нови играчи со цел да конструира тим што ќе може да предизвикува во Бундеслигата и Лигата на Шампионите.

Powered by: 24 FUDBAL.com.mk