Англија Менаџерот на Челзи, Карло Анчелоти верува дека Марио Балотели наскоро ќе се адаптира на животот во Премиер Лигата и ќе има голем успех на Островото

Минатата недела Марио Балотели конечно го комплетираше трансферот во Манчестер Сити откако неговиот поранешен ментор Роберто Манчини цело лето се обидуваше да го добие потписот на талентираниот напаѓач на Интер.

Во интервју за Corriere dello Sport менаџерот на Челзи, Карло Анчелоти изјави дека очекува ’Супер Марио’ да биде успешен во Премиер Лигата.

Стратегот исто така му даде совет на италијанскиот интернационалец да внимава на фоторепортерите.

“Марио е одличен фудбалер кој доаѓа во тим кој минатата година веќе беше силен, тим кој се подобро во овој трансфер период и тим кој ќе ангажира барем уште еден шампион по трансферот на Балотели.” – рече Анчелоти.

“Балотели е тип на фудбалер што одговара на ова првенство. Тој е многу силен физички и технички.”

“Тој веднаш ќе се вклопи во својот тим. Тој исто така тука ќе го најде и Роберто Манчини кој го лансираше во Серија А.”

“Но исто така можам да му дадам и совет на Балотели. Внимавај на фоторепортерите. Тие тука се ужасни.”

Запрашан дали Манчестер Сити може да биде предизвикувач за титулата во Премиер Лигата, Анчелоти одговори: “Се зависи од Манчини.”

“Доколку тој успее за кратоко време да спои многу силни фудбалери како Јаја Туре, Силва и Балотели, тогаш да, Сити ќе биде подготвен да се бори за првото место.”

Powered by: 24 FUDBAL.com.mk