Англија Арсенал потврди дека менаџерот Арсен Венгер ставил потпис на нов договор кој е во трајност до 2014

Претходниот договор на Арсен Венгер истекуваше следното лето и стратегот на вчерашната прес-конференција потврди дека е блиску до продолжување на верноста.

Поради тоа што Топџиите неколку години немаат освоено трофеј постоеа прашалници за тоа дали Французинот ќе остане во Северен Лондон, но Венгер сега стави крај на сета неизвесност.
“Фудбалскиот Клуб Арсенал е задоволен што може да соопшти дека најуспешниот менаџер, Арсен Вегнер, ја обнови верноста кон клубот за уште три години, и ќе биде на кормилото на тимот до 2014.” – гласеше соопштението на Арсенал

60 годишниот Венгер, кој е менаџер со најдолг стаж во Арсенал, сега откако стави потпис на нов договор ќе се обиде повторно да донесе трофеј во витрините на клубот.

“Моето срце припаѓа на Арсенал и мојата желба е да го видам овој тим како освојува трофеи.” – рече Венгер.

“Мојата посветеност и мотивација се силни како и секогаш. Потпишувањето на новиот договор покажува дека јас можам да видам талентирана група на играчи која го достигнува потенцијалот. Верувајте ми, тие се подготвени да донесат успех.”

“Со мојот персонал и фудбалерите се наоѓаме пред возбудлив предизвик и со нетрпение чекаме да постигнеме голем успех.”

Претседателот на Арсенал, Питер Хил-Вуд додаде: “Задоволни сме што Арсен Венгер го продолжи својот договор. Тој одлично го трансформираше овој клуб во последните 14 години и фудбалот кој го играме под негово водство е обожаван низ целиот свет.”

Венгер го превзде Арсенал во 1996 и има освоено три титули во Премиер Лигата, четири трофеи во ФА Купот и го предводеше тимотдо финале од Лигата на Шампионите.

Сепак, Арсенал нема освоено трофеј од 2005 кога Топџиите славеа во ФА Купот, и Венгер се надева дека неговите млади ѕвезди ќе можат конечно да го прекинат постот оваа сезона.

Powered by: 24 FUDBAL.com.mk