Англија Карло Анчелоти откри дека Рамирез добил работна дозвола и сега ги комплетира лекарските прегледи пред и официјално да стане нов фдбалер на Челзи

Шампионот на Премиер Лигата е во преговори со Бенфика околу две недели за трансфер на бразилскиот интернационалец Рамирез и двете страни постигнаат договор за висината на оштетата за која се верува дека изнесува 17 милиони фунти.
На денешната прес-конференција Карло Анчелоти откри дека 23 годишниот играч од средниот ред добил работна дозвола и сега ги поминува лекарските прегледи па многу наскоро ќе ја официјализира преселбата на Стемфорд Бриџ.

“Се надеваме дека Рамирез многу набрзо ќе стави потпис на договорот, тој сега ги поминува медицинските тестови и се надева дека се ќе биде ОК што е можно поскоро.” – рече Анчелоти.

“Тој е фантастичен фудбалер, фантастичен играч од средниот ред, тој е млад и ќе биде иднината на националниот тим на Бразил и се надевам иднината на Челзи.”

Медиумите исто така го поврзуваат Челзи со уште еден млад Бразилец, супер талентот на Сантос, Нејмар.

Но клубот од Бразил не сака да слушне за продажба на напаѓачот и се закани дека ќе го пријави Челзи до ФИФА за нелегален пристап кон играчот.

“Можам да кажам дека Нејмар е фантастичен фудбалер но тој не е фудбалер на Челзи и тешко ми е да говорам на таа тема.”

“Можам да говорам само за неговите технички квалитети.”

“Ние сме заинтересирани за сите млади фудбалери и Нејмар е еден од нив но тоа не значи дека ќе го купиме играчот.”

Powered by: 24 FUDBAL.com.mk