Шпанија Рикардо Карваљо го комплетираше трансферот во Реал Мадрид откако успешно ги помине лекарските прегледи и стави потпис на двегодишен договор
Португалскиот интернационалец утрово успешно ги помина лекарските прегледи и нешто пред 13 часот тој стави потпис на двегодишниот договор со Реал Мадрид.
“Рикардо Карваљо сега официјално е фудбалер на Реал Мадрид откако стави потпис на двегодишен договор со клубот.” – гласеше соопштението на Кралскиот клуб.
Веднаш по формализирањето на договорот, дефанзивецот одржа прес-конференција на Сантијаго Бернабеу.
“Од подамна сакав да пристигнам тука. Конечно успеав во тоа.” – рече Карваљо.
“Ќе сторам се што можам за да му помогнам на клубот да ги оствари своите цели. Секој фудбалер има своја личност и ќе го дадам најдоброто од мене на теренот.”
Карваљо откри дека тој минатата година со Челзи направил вербален договор според кој ова лето ќе можел да го напушти Стемфорд Бриџ доколку пристигнела понуда од голем клуб па затоа лесно дошло до реализација на трансферот во Реал.
“Разговарав со Челзи за мојата желба за заминување. Со 30, 31 година сакате нова искуство и Шпанија е она што ме привлекуваше.”
“Минатото лето постигнав договор со Челзи дека тоа е мојата последна сезона, па беше полесно да се комплетира зделката.”
Карваљо во Мадрид повторно ќе соработува со Мурињо со кого имаше одлична соработка во Порто и во Челзи.
“Сигурен сум дека Мурињо ќе биде успешен во Реал. Тој е добар тренер и прав победник.”
“Тој сега исто така работи во победнички клуб.”
Дефанзивецот исто така очекува лесно да се прилагоди на Ла Лига.
“Темпото и столот на игра во Шпанија е многу поразличен од оној во Англија.”
“Но мислам дека нема да имам проблеми да се прилагодам на играта бидејќи веќе го сторив тоа во Англија без никакви проблеми.”
Powered by: 24 FUDBAL.com.mk
