Џејми Карагер верува дека Ливерпул може да биде единствениот...
...тим способен да го предизвика Манчестер Јунајтед за овогодинешната титула во Премиер Лигата
Искусниот дефанзивец исто така вели дека тимот може да биде горд на досегашните перформанси, и тоа што се пред Арсенал и Челзи во овој дел од сезоната.
“Завршивме на четвртото место минатата сезона, но сега сме над Челзи и Арсенал иако сите во клубот знаеме дека ништо не е завршено и дека не чека долг пат, во моментов изгелда дека ние и Манчестер Јунајтед ќе се бориме за титулата.” – рече Карагер.
“Со самото тоа што ги поминавме Челзи и Арсенал на табелата е успех на кој сите во клубот треба да бидат горди.”
Сепак 31 годишниот дефанзивец вели дека второто место не треба да биде крајната цел на Ливерпул.
“Многу луѓе на почетокот од сезоната кажаа дека потребно е да се биде во трката за титулата при крајот на сезоната доколку планираме да имаме некаква шанса за трофејот.”
“Сега се надеваме дека можеме да одиме еден чекор повеќе и да го освоием шампионатот.”
“Сеуште има многу натпревари да се одиграат, па потребно е сите да останеме смирени.”
“Во моментов Јунајтед имаат мала предност во однос на нас и доколку успееме следниот месец на Олд Трафорд да ја намалиме предноста ќе се најдеме во одлична позиција.”
